Benedikte

hei vg.no og db.no - kva med denne:

2009-12-25T00:40:00.006+01:00

"Paven i horisontalen!"

Eg er veldig skuffa over vg og db sine val av overskrifter på sjølvaste julafta; "Paven overfalt under midnattsmesse" (vg), "Paven angrepet av kvinne under midnattsmessen" (db).

Min kjære bror klarte på kun få sekund å pønske ut overskritfta eg allereie har prensentert, og han har verken overtids- eller heilagdagstillegg. Skjerp dykk journalistar!

(og elles vil eg legge til at eg kom vel i land i Irland, etter mi livs oppleving på sjøen). Takk for turen Sten kapten!

ja også må de alle ha ei god jul og greier!

So long Horta

2009-06-01T22:02:00.004+02:00

Jippi, no reiser vi (mest sannsynleg) .

I morgon er det klart for avreise frå Horta. Ein eller annan gong etter kl 10 (12 der heime) heisar vi segla og drar vår veg. Eg er i alle fall veldig optimistisk her eg sit. Kan jo vere at eg kl 10:30 i morgon kjem med ein kontrabeskjed - men den tid den sorg.....

Eg har kost meg veldig dei dagane eg har venta på veiret. Mykje fest og moro og ganske mykje veir. I går måtte vi ut og lufte oss litt etter ein lang dag ombord i båten. Veiret var ikkje det beste, men ein fin og frikst tur vart det!

Veirfast i Horta

2009-05-27T12:36:00.004+02:00

Vi heng framleis rundt i Horta og ventar på å få melding om at føreforholda er slik at det lar seg gjere å krysse havbiten mellom Azorene og Irland.

Båten er ikkje verdas største, så etter å ha brukt nokre dagar på å utforska den, har eg no tatt meg nokre turar på land. Eit rart fenomen som då oppstår er at kroppen gjev beskjed om at den framleis vil vere på sjøen, og markerer dette så godt den kan ved å gje meg ei kjensle av at det gyngar på land. Konsekvensen er at eg nærmast ser full ut, då eg stadig må ut og ta eit og anna støttesteg for å halde meg på fortauet.

For å slå i hel tida medan vi ventar på frontar, å kunne vere i front av fronten evt i halen av fronten eller midt i fronten ( er og mogleg at vi ventar på vere lengst mogleg vekke frå fronten), tok vi oss ein biltur i går.

Azorene er øyer som har dukka opp etter gjentatte vulkanutbrot, på Horta er her 2 krater av turistfelledimensjon, eit stort ca midt på øya (veit ikkje meir om det, for all infoen er på portugisisk - eit språk eg ikkje kan) og eit på nordspissen. Grunna tett tåke og lavt skydekke var det ikkje mykje å sjå då vi etter ei aldri så lita feilkøying endeleg kom til krateretet midt på øya.

Vi fann vegen rask attende og fortsatte vår ferd langs øya, og kom tilslutt til nordspissen og det nye landet. I 1957 og 58 valde ein vulkan å ha eit lite utbrot rett ved kysten. Desse utbrota resulterte i ein del meter nytt land, og ei fantastisk naturoppleving for meg.

sommarferie

2009-05-23T16:50:00.004+02:00

Kanskje på tide med eit lite innlegg her. Byrjar bli veldig gamalt nytt at Mcain aldri fekk brukt dei "ny"erverva datakunnskapane sine som president for amerika sine sameinte nasjonar. Det er gamalt nytt at Obama vart president, at finanskrisa herjar, at svineinfluensaen er over oss og at russen også i år synest det er veldig slitsomt og litt unødvendig at eksamenane ligg så tett til deira feiring. Og så er det faktisk ei gamal nyhende at eg no er supertante til to fantastiske små jenter, men meir om det må kome ein annan gong.

Det som er nytt, er at eg no befinn meg i Horta på Azorene . Eg avviklar i år ein tidleg sommarferie for å vere mannskap ombord på båten til søskenbarnet mitt. Den godaste Sten Ingve har snart sigla eit heilt år i strekk, og har no vendt nasa (reint faktisk er det vel roret som er vendt og kursen sett) heimover. Eg har, heldig som eg er, fått lov å slå følge over nordatlantaren med kurs mot Irland.

Etter nokre dagar her har eg etterkvart blitt vant til båtlivet, som hittil har bestått i å bu ombord i ein båt som ligg ved kai. Det tar litt tid å kome inn i dette gamet. Eg har framleis hjarta i halsen når eg skal gå frå båt til båt for å kome i land. Er like sikker kvar gong på at denne gongen dett eg ned i avgrunnen mellom båtane og vert liggande å kave i vatnet. Har og funne ut at ein del lydar er det berre å leve med, det finnst ingen "mute" knapp for vatnet som klaskar i båtsida midt på natta. Heldigvis er eg utrusta med eit godt sovehjarta, for eg har på kjennsla at dei lydane som no vekker meg er fint lite samanlikna med det eg har i vente. Sjøv om eg har byrja bli vant til livet ombord er det mykje å ta tak i på kunnskapssida for ein uerfaren siglar. Styrbord, babord, slag, knop, fall, skjøte, barberhal, genaker og mange mange fleire uttrykk har eg enno til gode å fylle med meiningsbærande innhald. Går ut frå at min vilje til å lære og ein kaptein som villeg delar sin kunnskap fører til at eg går i land i Irland litt meir kunnskapsrik på siglefronten enn eg er nett no.

Etter planen skulle vi ha byrja overfarten i morgon. Føremeldingane har vist seg å ikkje vere så gode, så no vert vi liggande her vi er til fredag. Eg har god tid og kan gjerne henge litt rundt på Azorene. Eg får no god tid til å finne beste blandingsforholdet mellom vatn, ingefær og sitron. Er redd for at turen kan medføre sjøsjuke, så her er det nok lurt å vere føre var;)

For utvida info om Tempest si ferd rundt om i verda og bloggoppdateringar når vi har lagt ut på vil eg anbefale ein kik på heimesida til båten: www.seiltur.no/tempest

McCain: - Jeg har ikke behov for e-post

2008-07-21T14:53:00.001+02:00

"Republikanernes presidentkandidat foretrekker telefonen, men er i ferd med å lære internett så han kan lese datterens blogg.

Andre logger på for meg. Jeg er i ferd med å lære det, og snart klarer jeg å gjøre det selv. Jeg forventer ikke av meg selv at jeg skal bli kjempeflink, eller at jeg skal lage min egen blogg, men jeg er i ferd med å bli så datakompetent at jeg kan får den informasjonen jeg trenger. Det inkluderer å besøke min datters blogg, før noe annet, sier McCain." vgnett

Lukke til på ferda seier no berre eg.

Heldigvis ikkje streik?

2008-06-18T15:44:00.002+02:00

– Vi er fornøyde med at streik er avverget og at medlemmene er sikret et meget godt lønnsoppgjør som gir opp mot 60.000 kroner i gjennomsnitt, sier forbundsleder Leif Sande i Industri Energi i en melding. bt

kommentar til lønnsoppgjeret blant riggtilsette:

	Skulle bare mangle
	18. jun, 07:10 \| Ojle - Lars (uregistrert bruker)
	Personlig synes jeg faktisk dette er et dårlig lønnsoppjør. Oljearbeidere skulle hatt mer når en ser på verdiskapningen de gir. Dette er høyt utdannete mennesker som ofrer liv og lemmer for oss andre. Når lærere griner seg til et høyt oppgjør bør oljearbeidere få mer. Burde også hatt mer fri for å ta til kreftene igjen etter det knallharde arbeidet i nordsjøen! Jeg vil nå komme opp i 720 000 kr i året. Burde vært nærmere millionen når en tenker på alt jeg ofrer for Norge!

________________________________________

Med bakgrunn i eige lønnsoppgjer, altså det for dei offentleg tilsette, meinar eg faktisk å kunne seie at du Olje-Lars treng ein liten realitetssjekk.

Klarar ikkje seie meir om denne saka utan å verte veldig useriøs og å ty til særs barnslege og dårlege argument. Eg sluttar heller av med å hevde at lønnsoppgjeret for desse rigg-folka kanskje var i overkant godt samanlikna med det dei offentleg tilsette sit att med.

(Til orientering er eg ganske sint her eg sit)

Blogg er ut,

2008-03-13T19:31:00.004+01:00

det kan i alle fall verke slik på bloggehyppigheten min her dei siste månadane. Sjå til dømes kor stor den lille superjenta til supertanta har blitt på alle desse dagane som har vandra forbi utan at eg har tatt meg bryet verdt å publisere i nemneverdig grad her på sida.

før eg gløymer det heilt

2008-03-13T19:03:00.005+01:00

Eg har fått meg jobb, ein slik fast ein med ganske så grei pensjonsordning., så her kan det vere at eg blir.

Det ante meg tidleg at eg kom til å henge og slenge på høyden i mange mange år framover då eg byrja studietida mi i Bergen.

Jobben eg har fått har faktisk ført med seg ein liten London tur allereie, og etter påske skal vi til Os!

og om du tykkjer eg har plukka ut nokre rare bileter for å skildre ein elles så spesiell tur, så er det berre av di denne bloggsida har tekniske problem at det vart som det vart.

Dronning i eige hus

2008-01-25T23:34:00.000+01:00

Nytt år tilseier ofte at noko gamalt må vike plass for noko nytt. For min del er det farvel til min gamle bustad og velkomen til mi eiga leilighet. Den er sjølvsagt ikkje berre mi, for mine to bufeller gjennom dei siste tre åra må jo bu ein stad dei og!

Vi har budd i vårt lille rike nokre veker no, og heldigvis ser det no ikkje fullt så tomt ut. Heldigvis er det ikkje fullt så kaotisk heller.

i beit for leilighet midt i bergen sentrum?

2008-01-16T11:51:00.000+01:00

Denne leiligheta er testa og funnen fantastisk å bu i! Treng du eit krypinn eller kjenner nokon som gjer det, ta kontakt. Husveret er ledig omgåande!

Leiga er kr 12 000,- pr mnd. For den summer får du ca 100m2, 3 soverom, 2 toalett, 1 dusj og oppvarming via sentralfyr.

Om du har spørsmål send e-post: bsvardal@gmail.com evt ta kontakt direkte med huseigar via finn annonsa

*************************************************************

Leiligheta har no heldigvis fått nye leigetakarar. Nyt den de som kan, og takk og eit evig farvell til lobotomerte utleigarar!

Tyskland i mitt hjarta

2007-11-15T13:56:00.000+01:00

Veldig mange av mine bekjente og vener har ein forkjærleik for Frankrike, nokre har tatt det så langt at dei ope har erklært seg som frankofile og sågar vore med i organisasjonar som dyrkar det franske. Eg har aldri heilt hatt sansen for Frankrike. Sjølv om eg kan like ein god ost, drikke fransk vin og på fransk stotre fram at familien min bur og arbeider der dei gjer, er ikkje Frankrike landet for meg. Er det ikkje "det franske" folk diggar så er det td det italienske eller eit eller anna kulinarisk land og rike.

Eg, som den litt sære personen eg er, har Tyskland i hjarta mitt. Tyskland med all sin bratwürst, sauerkraut, øl og byråkrati - det er landet for meg! I førre veke var eg så heldig å kunne reise til Berlin og besøke mi gode veninne AnnaK. Trass ei aldri så lita forkjøling og ei stemme ala mikke mus, hadde eg eit fantastisk opphald, på det best tenkelege hotell, i verdens kanskje beste by!

Som gode turistar måtte vi sjølvsagt gå løypa. Muren, checkpoint Charlie, Adler cafe, Brandenburger torg etc. Så mykje å sjå, så mykje å diskutere og heldigvis google tilgjengeleg for utfyllande informasjon!

meir informasjon kjem!

Let the BIFF begin

2007-10-19T08:38:00.000+02:00

Endeleg er det denne tida av året att. Eg jublar no ikkje over at hjorten er i frysaren, at lauvet er på bakken, regnet er kaldt og vinden sur - nei eg er jublandes glad for at det er kinofestival i bergenbyen!

Til no har eg fått med meg ein musikal(!) vel og merke opningsfilmen, Across the universe. Ein veldig fin film som tar ein til 60-talet med beatles, janis, jimi og gjengen. Den kan du gjerne gå og sjå utan at du kjem til å angre på det.

I går freista eg å få med meg ein film om livet i horestrøket i ein by i japan på 1700-talet. Diverre gjorde intervju og trening i løpet av dagen meg meir klar for svevn enn film denne kvelden. Eg vakna faktisk brått midt i filmen av at ein av mine medkinogjengarar òg hadde sovna - uheldigvis for han pusta og pesa han noko voldsomt, faktisk heilt på grensa til snorking var han! Veldig dumt at eg var så trøytt for den filmen var faktisk utruleg fin.

I kveld skal eg nok klare å halde meg vaken på ein film eller to og eg ser fram til ei helg i kinoens teikn!

Kanskje juntaen kan ta til vit snart?

2007-09-26T23:29:00.000+02:00

"In support of our incredibly brave friends in Burma:

May all people around the world

wear a red shirt on Friday Septmeber 28"

Junta!

På eit eller anna tidspunkt må vel til og med de innsjå at måten de driv landet dykkar på, ikkje fungerer heilt optimalt, faktisk ikkje i nærleiken av optimalt ein gong. De kastar medborgarane dykkar i fengsel for den minste ting, splittar familiar, driv folk på flukt, hersar og undertrykker. Det er faktisk på tide å gje seg no. I meir enn 40 år har de nytta dykkar strategi - det kan vel etterkvart seiast at den har feila fullstendig for alle andre enn dykk sjølve, som har oppnåd rikdom og sikkert ei enorm kjennsle av makt. Resten av innbyggarane kjenner på ei voldsom avmakt. Til og med munkane byrjar no opponere, og med tanke på at dei stort sett er sindige folk, så er det på tide at de tar hintet!

Eg veit at Bush trugar med utvida boikott, og kan for så vidt sjå at det er ein dårleg trussel mot dykk som stort sett har stengt landet hermetisk dei siste åra uansett. For så vidt så kan det vere greitt at de ikkje lar trusslar avgjere måten de styrer eit land på, men nett i denne saka er det kanskje på tide å høyre litt på eigne innbyggjarar og resten av verda. La munkane få si dempa røyst høyrt. Ta til vit - gje frå dykk makta utan fleire tapte menneskeliv!

_______________________________________

Eg heiar på raudt på fredag, ikkje av di juntaen fredeleg kjem til å trekke seg om nokre millionar menneske har på seg raud topp ein dag, men av den grunn at det er viktig å syne dei frå Burma som bur i Noreg at dei har ei viss støtte. Ein liten gest som forhåpentlegvis ikkje skadar.

Rødt eller ikkje i morgon, skriv under på denne sida!

nye fiskar - igjen

2007-09-19T20:53:00.000+02:00

jaja, no har vi no vi vore avvgårde og fått oss nokre nye fiskar. Dei tok livet av Goliat (min versjon - då goliat og eg fann ut the hard way at det er veldig dødeleg å vaske fiskebollen med såpe).

Sidan dei tok livet av Goliat får dei teite namn som Gulingen og White Trash, og nokre skikkeleg dårlege bilete publisert på verdsveven;

Sundagstur

2007-09-19T18:42:00.000+02:00

No har ho Bene vorte vaksen. Kvar vekedag står ho tidleg opp og trallar i veg på jobb. 7,5 timar seinare, framleis trallande, går ho heim og koker poteter med noko attåt. Etter ein liten kvil på sofaen vert det tid for litt ymse moro, før ho legg seg i fornuftig tid, i alle fall før midnatt.

Når helga kjem vert det kanskje ein tur ut på fredag. Ho har slutta å gå på byen på laurdag, då ho gjerne treng to dagar å hente seg inn att på, og godt er det at ho vaknar opp tidleg på sundag, utkvilt etter ein roleg kveld i heimen dagen før. For på sundag skjer det, det ho har lengta etter heile veka. Det er tid for sundagstur!!

Heldigvis er det mykje dikting i dei to føregåande avsnitta, kva får vere opp til min eine lesar å spekulere i, men fantasi eller ikkje, førre sundag var eg på sundagstur! Ein finfin tur i min lille snasne bil, med Ingis som godt selskap.

turen ser slik ut gjennom augo til gule sider:

(Sjølv om det ser ut som om turen endte på Ostereidet, kom vi oss heilskinna attende til bergenbyen. Det er berre funksjonane til gule sider som set sine begrensingar.)

og slik gjennom kameralinsa:

og sjølv om sundagsmiddagen på kroa på Ostereidet var ein gedigen nedtur, så var det alt i alt ein glimrande sundag!

Ein ny verdsborgar

2007-07-17T23:14:00.000+02:00

Endeleg er ventetida over, både for Svigerinna, lillebroren, lille dronninga og heile resten av familien! På laurdag smatt det ut ei fin lita jente. Lang og tynn og litt av ein hjarteknusar. Eg er kjempeglad på den lille familien sine vegner. Sidan eg allereie har lovt å vere supertante, så er det no å skride til verket. Har heldigvis litt tid å kome inn i rolla på, sidan det i tida som kjem sikkert kjem til å gå mykje i soving og eting og den slags. Får nyte den tida no og heller mentalt førebu meg på at eg må halde tritt med eit lite hyperaktivt tantebarn om eit års tid;)

å daue som fluger

2007-07-01T16:26:00.000+02:00

Det er yndlingshobbyen til fiskane på hotell karamell for tida. Etter at bbg forlot oss så brått ein morgon, måtte tomrommet fyllast. Ein søt fisk forma som ein golfball vart kjøpt og innstallert i sin nye heim. Dette var onsdag. Fredag daua den..... fekk ikkje tid til å gje den namn ein gong, den tullete fisken.

Den 28/06 var det haruki murakami sin tur til å vandre heden. Herregud for ein gjeng ubruklege fiskar vi har.

No er det berre Goliat att i bollen. Han er ein fin blå kampfisk. Kanskje det er han som får fiskane til å oppføre seg som fluger?

kor mange mygg er det mogleg å ha i nasa?

2007-06-29T15:41:00.000+02:00

Alvorleg mange!!!

Men det gjer ingenting når dette er løn for strevet:

aiaiai - livet er skjørt

2007-05-30T14:35:00.000+02:00

Nok ein gong har eg skylt ein liten ven ned i dass. Boutrus Boutrus-Ghali låg på botnen i dag tidleg. Noko som minte meg på at eg gløymte å mate fiskane i går. Boutrusen var ein fin liten fisk som ikkje er meir.

Fiskesesongen som brått var over

2007-05-25T09:05:00.000+02:00

Eg byrja årets fiskesesong relativt tidleg med tre kjappe turar. Flugestanga som har stått heime sidan eg fekk den til jul vart henta og eg var verkeleg klar for litt seriøst fiske. Etter å ha stått ei heil helg på verandaen og fiska over rekkverket var eg klar som eit egg for å innta både sjø og vatn i Bergensområdet. Dette var i byrjinga av mai. Eg har enno ikkje kjøpt ei einaste fluge.

Nokon som vil vere med på fisketur i helga?

hurra hurra hurra

2007-05-20T15:04:00.000+02:00

Er barna i Norge svarte?

2007-05-16T09:31:00.000+02:00

Til Oddbjørn Jonstad, Kolbotn!

Om debattinnlegget ditt i BT 16/05-07 vil eg seie som far min seier når ting verkeleg er gale:

Det e pina so gale at det gaula!

Eit uttykk du heilt sikkert kjenner til, då eg til min store skrekk oppdaga at du er frå Naustdal - nabobygda til han far.

Etter å ha lese innlegget ditt kjenner eg meg tygd og spytta ut att. Eg er kanskje ein del av pakket du skriv om, då eg står noko til venstre i det politiske landskapet, men eg vil tru at dei fleste som står til høgre for meg kjem krypande over til venstresida i nett denne saka.

Eg vil gjere merksam på at overskrifta mi her er den du nytta i ditt debattinnlegg. Vidare i innlegget skriv du (hadde tenkt å referere nokre deler, men kliner inn heile driten slik at mine to lesarar kan få med seg heile samanhengen)

"Når man leser norske aviser eller ser på norsk TV, skulle man tro at 90 prosent av de norske barna er svarte - eller i det minste fargede. I alle reportasjer fra barnehager og skoler er det et overveldende flertall av innvandrerbarn som vises på bildene. Kan dette skyldes at de fleste journalister og pressefotografer er ekstremt venstrevridde - og at det dermed ikke er folkeopplysning de bedriver, men at de prøver å få frem sine egne, personlige synspunkter. Dette til tross for at avisene får millionbeløp i pressestøtte for nettopp å fremstille virkeligheten så sann og objektiv som mulig. Bedre blir det ikke når vi får reportasjer fra 17.mai-togene og tilhørende festligheter. Hvorfor må man på en slik dag på liv og død legge størst vekt på det unorske og fremmede? Så lenge denne dagen er genuint norsk og flertallet av de innbyggerne er etnisk norske - så lenge det varer, burde vel dette gjenspeile seg i reportasjene og bildene. Utlendinger som ser på 17.mai-arrangementene på norsk TV eller bilder i norske aviser, må da få et fullstendig galt inntrykk av sammensetningen av befolkningen i Norge. Når man nå også skal begynne å bruke sameflagget i 17.mai-toget, er det ikke bare språklig og kulturelt landet er kaotisk, men også etnisk, geografisk og nasjonalt. Er det ikke snart på tide å få stilt dem som er ansvarlig for de flerkulturelle og flernasjonale tilstandene her i landet foran en domstol?"

Kvar skal eg byrje? Google.com er alltid greitt å ty til når ein er litt nyfiken på folk og fe. På den søkesida fekk eg opp litt ymse infomasjon om deg Oddbjørn, td så er du omtalt på monitor. Eit og anna medieoppslag har du og skaffa deg. Det er nokre år sidan du var i rampelyset, i følge google, spør du meg er det like greitt.

Ei side av demokratiet, som eg heier på, er at folk med meiningar som deg har like stor rett til å uttale seg, som alle andre. Når det kjem til deg, er eg nesten freista til å seie at dette er ei ulempe ved demokratiet. Hadde du berre visst kor mykje energi eg i dag har brukt på å vere irritert på deg. Eg klarar ikkje å sjå kva som er problemet med at Noreg har vorte fleirkulurelt og at samane har sitt eige flagg. Du presenterer heller ikkje argument i innlegget ditt som synleggjer kvifor problema du nemner verkeleg er problem.

Du kjem i det store og heile med veldig få argument i innlegget. Det er eit problem for deg at invandrarborn er representert på tv og i aviser, venstrevridde journalistar er eit onde, tv sendingar og reportasjer frå 17.mai syner ikkje berre etniske nordmenn, utlendingar (som ser på norsk tv/les norske aviser 17.mai) kan kome til å tru at det bur fleire menneseker med ein annan utsjånad enn etnisk norsk i Noreg, landet vert kaotisk om samane vel å heise flagget sitt og du vil på toppen av det heile stille folk for domtstolen for at innbyggjarmassen i dette landet er sett saman av folk frå ulike kulturar og nasjonar

KVIFOR?

Kvifor er det eit problem at små born med foreldre frå Somalia får snakke med journalisten når barnehagen er i søkelyset? Kvifor skal ikkje ein tenåring frå Pakistan vere den som representerer klassen utad i lokalavisa? Kva grunnlag har du for å anklage ei heil yrkesgruppe for å vere subjektive på bakgrunn av at det er innvandrarar i mediebilete? Kva er problemet med at ein svenske ser ein indar i ei 17.mai reportasje? Kvifor vert landet språkleg, kulturelt, etniks, geografisk og nasjonalt kaotisk av di ein same viftar med sameflagget på nasjonaldagen? Kven skal anmeldast og førast for retten av di Noreg med naud og neppe heng med i tida og består av mennesker med ulik kulturell bakgrunn og ulik etnisk opphav?

Presenter argumenta dine! At du konstanterer at ditt verdssyn er som dette, seier det likevel ingenting om korleis røyndomen ute i Noregs land verkeleg er!

Skjerp deg Oddbjørn!

Forbanna helsing

bene

Undo

2007-05-10T09:46:00.000+02:00

biletet er stjelt frå LGV nr 3 07 s 54. Det er Karstein Volle som ha laga det

Gamle heltar og ny kritikk

2007-05-08T11:33:00.000+02:00

Vibeke Løkkeberg er politimeld står det å lese i dagens aviser. Kva i alle dagar tenkjer eg, er det ikkje litt seint å anmelde ho for spesielt rare filmar no, så mange år etter hennar siste film kom ut. Er det no seinskadene syner seg hos dei som den gong såg filmane hennar? For å få svar må eg lese innlegget - og etter at det er gjort sit eg att med litt mindre respekt for dei som kjempa for landet under 2.verdskrigen.

Løkkeberg er meld til politiet av di ho hevdar at ein del folk i Milorg kjende til at det skulle utførast eit bombeåtak på laksevåg (mot ein tysk u-båtbase) ein gitt dag, og at dei sende vekk ungane sine slik at dei ikkje skulle verte råka. Lurt av dei å gjere det - men utruleg dumt å la andre sine born vere att. Ærekrenkjande å hevde slike ting, meinar ein gamal Milorg mann.

Kva som faktisk hendte i september/oktober dagane `44 i Bergen er ikkje opp til meg å seie noko som helst om. Ein gamal Milorg mann har sikkert litt innsyn i kva som fann stad. Vibeke Løkkeberg har tydlegvis snakka med nokon som og har litt innsyn i kva som fann stad.

Det er nokre år sidan krigen no. I lang tid har enkelte sider av historia vorte undertrykt, eller gøymt vekk, til fordel for historier om heltar og skurkar. Dei som valde rett og dei som valde feil. Heltane har vi hylla og feira, som seg hør og bør, men det kan vere at ein del episodar har vorte feia under teppe. Eg ser føre meg at medan ein krig pågår vil alle partar gjere ting som i etterkant ikkje vil framstå som spesielt heltemodige. Dei som, etter utfallet av krigen er klart, valde rett side, får den fordelen at deivert hylla for sin innsats. Nasjonen vil høyre om heltane, historiene der dei gode gjorde det rette - og kjem det fram episodar der uheldig ting vart gjort, kan dette forklårast med at dei meinte at det var rett i det lange løp, dei var i ein pressa situasjon, det var trass alt krig!

I krig og kjærleik er det meste lov - i krig må ein heil del ting vere lov, handlingar ein normalt tek avstand frå. Men, det må og vere lov å ytre seg kritisk til ein del avgjerdsler etc tatt under ein krig. Skal vi stille som øysters berre akseptere USA sine krigsherjingar rundt om krig i verda? Kritikk er viktig, og ikkje berre den som er retta mot andre land. Det må vere lov å rette blikket mot Noreg og dei krigsgjernigar som har funne stad her. At ein er tidlegare medlem av Milorg gjev ein ikkje automatisk tyngde når det kjem til kva som er sanninga eller ikkje.

Tidlegare medlemmar av Milorg skal ha tusen takk for kampen dei kjempa for oss - men vi kan ikkje i nasegrus beundring akseptere at dei anmelder folk som er kritiske og som hevdar at saka har fleire sider. Ved å anmelde Løkkeberg undergrev Milorgheltane sjølve den fridomen dei så tappert kjempa for.

Eg håper verkeleg at anmedinga vert avvist - uansett om det Løkkeberg hevdar er sant eller ikkje, har ho i alle fall lov til å ytre det som si meinig.

Frukost på Hotellet!

2007-04-26T11:03:00.000+02:00

Som seg hør og bør vert det frukost på hotell karamell 17.mai!

Dagen startar med flaggheising, salutt og tog gjennom byn kring kl 7. Frukosten tek til på eit myke meir humant tidspunkt! Klokka elleve kan den som vil kome på frukostvisitas hos oss!

Vil du vere med hadde det vore kjekt om du slengte inn eit ja i kommentarfeltet evt registrerar det på facebook (kjem ikkje utanom den i desse dagar) eventet "frukost". Av praktiske grunnar må vi nemleg be om at gjestane tek med seg ein flik brød, litt laks, noko egg etc.

Vi ere en nation vi med,

vi smaa en alen lange,

et fædreland vi frydes ved;

og vi, vi ere mange.

ENDELEG!!!

2007-04-23T22:37:00.000+02:00

Endeleg har det kome 3-setar på plass på hotell karamell! Lukka ligg i tjukke lag over lokalet. Alle hjarter gler seg og sender tusen takkehelsingar til godaste Brynhild som kjøpte seg ny sofa og som lot hotellet arve hennar gamle! Eg har no sete/lagt i sofaen nokre timar - og den får absolutt godkjend stempel!

Takke takk snille Brynhild!

Skarverennet

2007-04-23T10:09:00.000+02:00

På laurdag gjekk eg og han lillebror Skarverennet. Eg gjekk rennet for første gang, og kan ikkje seie anna enn at det var heilt fantastisk! Skulle du som les dette ikkje på nokon måte sjå at det kan vere fantastisk å betale 1000 kroner for å ta tog kl 06:15, sitte i ein kupé utan varme i over to timar, gå 38 km i kø på ski for så å ta toget heimatt, så kan eg godt fostå deg. Likevel vil eg insistere på at det var heilt fantastisk! Sola skein, fullklaff på smurningsfronten, godt selskap, kakao og sjokolade -oppskrift på ein glimrande dag spør du meg!

Denne dagen kunne det med 100% sikkerhet seiast at alle var eininge om at det hadde vore ein finfin tur!

Skal det verkeleg vere mogleg?

2007-04-13T09:30:00.000+02:00

Skal det verkeleg i 2007 gå an å bli banka opp midt på natta i ei tilfeldig gate i Oslo?Ok, eg veit at det er fullt mogleg å verte utsett for blind vald, vald som ikkje er fullt så blind, og å bli banka opp av di ein sjølv har provosert eller prøvd å banke feil folk. Men å verte banka opp av di ein hevdar at ein religion sitt kvinnesyn bør revurderast?? Eg merkar at eg vert provosert langt inn i sjela.

Eg drit verkeleg i kva land folk er født i. Fargen pigmenta i huda deira produserer er fullstendig irrelevant. Om dei er religiøse fanatikarar eller trur pittelitt er meg revnande likegyldig, og kva dialekt eller språk folk snakkar vedkjem stort sett berre dei sjølve - men ein ting som får meg til å engasjere meg i folk, er når dei byrjar å banke andre mennesker av di desse andre offentleg uttrykker meiningar og synspunkt dei sjølve ikkje har. Ein knyttneve er då verkeleg ikkje eit argument i ein debatt! Når enkelte tar, for nokon eit viktig tema og ein naudsynt diskusjon ned på eit så latterleg useriøst nivå, får eg lyst å bli latterleg og useriøs sjølv (utan å ty til vald, vel og merke). Eg har berre orda mine og kan med dei ønske desse tomskallane av nokre idiotar langt ut på Hardangervidda ein mørk og stormfull februardag! All min eder og galle burde denne type folk svømt rundt i, til evig tid!

Kven Kadra er og kva ho tidlegare har gjort med og utan skjult kamera kan sikkert diskuterast, men eg vil ikkje leve i eit samfunn der folk får bank for å ha feil meiningar. Eg vil ikkje leve i eit samfunn som lar tolkingar av ord styre ein kvardag desse orda aldri var meint for. Om det er mobben i gata som skal få bestemme, kven er då nestemann ut? Kven må sjå seg ekstra nøye over skuldra på veg heim? Presten som er kvinneleg? Guten som sit og tissar? Kvinna med raude strømpar? Det homofile paret? Dama som varslar om ulevelege forhold ved ein arbeidsplass? Mannen som meinar at søskenbarn ikkje bør gifte seg med kvarandre? Jenta som er mot EU? Eg fordi eg ytrar meg?

Søren heller, eg vil berre ikkje ha det slik!

Håper folk har vit til å sjå at denne episoden faktisk er meir enn nok eit tilfelle av vald i Oslo sine gater. Dette dreier seg om kven som kan setje dagsorden og på kva måte det skal skje på: Her har det vorte gjort tydeleg, på verst tenkelege måte, at koranen sitt kvinnesyn slett ikkje skal diskuterast, og at Kadra i alle fall ikkje skal uttale seg i saka. Dette kan ikkje gå upåakta hen. Kadra har rett til å uttale seg, ho har rett til å freiste å setje dagsorden. Eg vil kunne uttale meg og setje dagsorden og eg vil at DU og skal kunne gjere det. Som F. Voltaire ein gong i tida sa:

Eg er ueinig i meiningane dine, men eg vil inntil døden forsvare retten din til å ytre dei!

Du og du så treg eg er

2007-04-01T12:16:00.000+02:00

Det er litt trist når ein tar seg sjølv i å vente på at det skal dukke opp eit nytt innlegg i sin eigen blogg. Kva var det eg såg føre meg? At ein eller anna skulle skrive noko på mine vegne og slenge ut? At nettet plutseleg har vorte magisk, noko eg har venta på sidan eg las Norsk Barneblad i barndomen og det der vart skildra kor fantastisk alt skulle vere på 2000-talet; robotar i alle heimar, flygande bilar, knappar som flytta ein dit ein ville på null komma svisj. Hadde verdsveven vore eit utbreidd fenomen på den tida, hadde vi sikkert fabulert om at vi i framtida kunne tenke nokre tankar tenke "send" og så låg dei der - ferdig publisert. Så sit eg her no, i 2007 og lurer på kvifor det meste er som det var. Kjennest nesten ut som det einaste som har endra seg er storleiken på kleda mine. Det dukkar i alle fall ikkje opp nye innlegg på bloggen, sånn heilt utan vidare. Norsk Barneblad, eg føler meg lurt!

god tur

2007-03-17T01:39:00.000+01:00

over fjellet!

Bitter? eg? JA, for f****

2007-03-16T10:41:00.000+01:00

I dag har eg vore tur retur Voss. Sette av han lillebror der. Han skal ta buss til Rena. Frå Rena skal han gå på ski til Lillehammer.

EG OG VIL!!!!

noko er tristare enn andre ting

2007-03-12T11:12:00.000+01:00

i dag er det ein trist trist dag. Eg har nett seld mitt kjære startnummer til birken. buhu. Har klart å få influensa, noko som ca 1/3 av Noregs befolkning har i desse dagar, så eg skal ikkje klage for høgt om nett den biten...men om eg hadde fått velge, hadde det vore nok med ei aldri så lita forkjøling. Sjuk i eit par dagar - frisk og rask att og klar for trening og skigåing kun kort tid etter.

No er det ei lita veke att til birken, og eg må innsjå at hostekuler og slapphet ikkje går overeins med 8 timar skigåing.

med ræven i fatle?

2007-02-21T16:46:00.000+01:00

skal seie enkelte ikkje held seg til at det enkle ofte er det beste!

godt med ein liten luftetur etter ein lang dag på jobben;)

supertante!!

2007-02-15T12:46:00.000+01:00

best å ha det skriftleg slik at bror og svigerinne kan arrestere meg og
vise til dette skrivet om eg ikkje skulle innfri!

Eg har sett meg som mål å bli supertante. Tante vert eg uansett, om alt går bra (bank i bordet), til sommaren, den biten har ekteparet tatt seg av. Superbiten må eg stå for sjølv, men ser føre meg at det skal gå heilt fint, sidan eg er slik ein superperson!

Eg gler meg stort til å setje i gang med supertante oppgåva

Og gratulere så mykje til dei vordande!

kva i alle dagar skal eg med ein gris?

2007-02-14T16:06:00.000+01:00

Tenkte eg då eg opna eposten min. "versågod! Du har fått en kjælegris til valentinsdagen" ! Eg hoppa nesten i stolen, i alle dagar, ein gris i hus - grisehus - det vert det fort nok på mitt rom med berre meg der. Tenk korleis det hadde blitt sjåandes ut med ein gris i tillegg. Nei veit du kva, denne gåva var ikkje så tøff.

Heldigvis slepp eg å gå på post i butikk og hente grisen min! Den er sendt til nokre folk i sør-aust Asia. Eg kryssar fingrane for at SvineBene får betrakteleg mykje betre vilkår som sparegris hos ein fattig familie i asia, enn ho nokon gong hadde kome til å fått det på hotell karamell. Her er vi nemleg mest interessert i gris som tilbehør til egget på søndagsmorgonen!

Gjer noko lurt!!

2007-02-08T13:16:00.000+01:00

Om du klikkar deg inn HER og reserverere deg mot å få telefonkatalogen tilsendt i posten kan du gå helga i møte med verdas beste samvit!

Vil du vite litt meir om bakgrunnen for denne lure ideen kan du lese det i aftenposten.

(og snart må eg byrje å bruke store bokstavar der det høyrer heime)

Ny rekord i bergen!

2007-02-08T13:08:00.000+01:00

Det har no vore 3 heile dagar utan regn/snø/sludd/hagl i bergen. Sola har synt seg på ein himmel som har vore ganske så blå! Dette må vere ny rekord! Det er i alle fall superkjekke observasjonar å gjere seg!

I slikt eit fint veir, sit eg inne og jobbar. Etter at mørkret endeleg legg seg som ei klam hand over byen, pakkar eg med meg ski, stavar, bror og svigerinne og stikk opp på Fløien for litt trim!

Det var heilt fantastisk å vite at eg var ca 20 minutt frå tjukkaste sentrum i bergen - og likevel langt inni skauen med ski på beina. Slike opplevingar vil eg ha fleire av, så det er berre å stå på sitt, du sol og trumfe gjennom at du skal skine nokre dagar til (la i alle fall ikkje det forbaska regnet få viljen sin igjen)!

skal seie det vert jobba hardt for tida!

2007-02-04T14:30:00.000+01:00

det vert pussa og målt og tapetesering og golvlegging vert utført over ein låg sko. Eg trudde januar var månaden for å hente seg inn att etter ein hektisk desember, men den gang ei. Ikkje berre har vi fått nytt kjøkengolv på hotell karamell den seinare tida. Han broremann og hans fru har fått seg flunkandes nytt kjøken, stovegolv og bad.

Eva og Christian orka ikkje pusse opp, så dei kjøpte seg like godt eit nytt hus, som berre trengte litt maling histen og pisten. Ikeamøbelementet måtte sjølvsagt på plass, det tar mor og far seg av, medan frida olette kvalitetssikrar handtaka på vindauge - dei smakte godt og kom i frå kontrollen med godkjent stempel!

På sjølvaste hotellet måtte kjøkenavdelinga få seg eit nytt golv etter ei aldri så lita vasslekasje. På eit tidspunkt såg golvet vårt ut som ei berg og dalbane. Heldigvis skreiv ikkje vatnet seg frå verken gjestar eller besetning. Varmtvassrøyret hadde bore vatn lenge nok og bestemte seg for å markere det med ein sprekk. For sikkerhetsskuld var sprekken på ein stad på røret som låg litt godt ned i betonggolvet. Det noko upraktiske/bra opp i heile "leite etter vatn episoden" var at det vart oppdaga lekasje i avløpsrøyret på kjøkenet. Ulempa var at den lekasja vart oppdaga før sprekken i røyret, noko som førte til at då golvet nesten hadde tørka ein laurdag og alt skulle vere klart for parkettlegging på måndag, var det plaskandes vått sundagsmorgonen. Måndag og tirsdag gjekk med til den nye leiterunden som vart sett i gang. Tirsdag vart sprekken endeleg oppdaga. Ny tørketid - og endå fleire dagar med eit noko alternativt kjøken. Kjøleskåp, komfyr og micro i staua, oppvask for hand og diverse parkett og verktyg slengt litt rundtomkring. Det er som dei seier, den som ventar på noko godt.... torsdag kunne vi endeleg gå over eit nytt og fint golv, lage mat der mat skal lagast, hente ting i kjøleskåpet på kjøkenet og setje kjørella i oppvaskmaskina!! Eg skal på ingen måte seie at vi har fått eit godt golv å gå på, då det er bølgete, gjev etter og har nokre kraftige skøytekantar mot gamal parkett - men, det er i alle fall ikkje betong!!!

frå rena til lillehammer

2007-02-01T11:18:00.000+01:00

på under 8 timar er målet. Kor realistisk det er, er ei heilt anna sak. No er eg i alle fall litt meir i siget enn eg har vore på lang lang tid. 2 turar på ski og 2 økter i treningsstudio er ein god start, kanskje litt i seinaste laget - men no er eg i alle fall i gang!

hadepåbadedingamlesjokolade

2007-01-27T15:00:00.000+01:00

God tur til bryne city!

sånne som oss?

2007-01-24T12:33:00.000+01:00

ingis: litt lenger bak
bene: slik? smile smile
mobil: klikk
ingis: det blei bra! ser ut som om det faktisk berre er plass til deg i denne gata her!
bene: få sjå....hahaha
dama med bikkja: jaa... skal dokker flytte dokker snart????
bene og ingis: ?
dama med bikkja: ja!! eg skal inn her!!!
bene: beklagar
dama med bikkja: åhhh beklager, åhh beklager
bene og ingis: hahaha ho var ikkje blid
dama med bikkja: ja når man bor i samme byen som sånne som dokkar er det ikkje rart at en blir uhøflig.

Småleande gjekk eg og ingis vidare på tur i vinterkledde bergensgater! Ein tanke var det likevel ikkje så lett å riste av seg: Kven er sånne som oss? Blir folk sur og uhøflig av å bu i same by som meg og Ingis? Er det turgåarar folk blir uhøflege av? Kanskje jenter? Eventuellt studentar og folk som er i arbeid? Folk som tar bilete? Personar som står i ro i gatene? Individ som ikkje ved å kaste eit blikk på ein tilfeldig forbipasserande veit kvar vedkomande bur og skal?

Eg er i alle fall glad for at eg bur i same by som sinte bikkjedamer, som kan gjere ein heilt vanleg tirsdag til ein dag ein huskar i lang tid framover!

å handle på ikea tar tid!

2007-01-18T10:16:00.000+01:00

I går hadde dei eit knallgodt tilbod på Ikea. Ein sofa som tidlegare var prisa til nær 5000 norske blanke kroner, skulle dei no berre ha 1000 kroner for. Då hotell karamell kun har 2-setarar i staueavdelinga, tenkte eg at ein billeg 3-setar kunne vore kjekt å få i hus.

Eg allierte meg med Gry, og fekk ho med som potensiell bærehjelp. Denne hjelpa, skulle det syne seg, fekk eg lite bruk for. Ikea opnar kl 10:00, då eg stod oppe i sofaavdelinga kl 10:22 var det ikkje ein einaste sofa att til meg. Folk hadde vistnok stått i kø sidan kl 08:00 for å sikre seg den billege 3-setaren!!!! Tanken som slo meg då var at eg slett ikkje er ein erfaren salskunde på ikea. Kven står i kø i 2 timar for ein sofa? Ein sofa frå ikea? Alle veit jo kva som foregår i dei sofaane. Der sit jo far og bankar mor......

Men det er, som andre har sagt før meg, ingen grunn til å grine over spillt melk. Vi var jo trass alt på ikea ein morgon - noko som sjølvsagt innebær at ein må ete frukost! Etter frukost vart det ein laaaaang runde i butikken. Lang, men særs billeg. Hadde ikkje noko spesielt eg skulle handle - utanom den sofaen som dei som kom kl 0800 fekk kjøpe - og var veldig flink til å begrense innkjøp av dilleting. Som seg hør og bør vart det pølse og brus etter endt økt. Praten under nok eit kulinarisk måltid mat førte oss til ideen om å reise på bohus - kanskje dei hadde ein billeg sofa der?

På Bohus var det ikkje nett nokon sofa som lyste mot meg og sa ta meg med heim. Dermed måtte vi på Living for å sjå om dei hadde ein sofa med namnet mitt på. Vi fann ikkje sofa der heller. Men, vi fann, vi fann! Kva vi fann? Massasjestolar!!!!! Skal seie det var avslappande å handle på Living. Det var i alle fall veldig avslappande å prøve ut massasjestolane! Det måtte vi gjere i nesten 1 time! Etter den salige stunda med testing av stolar, til den nette sum av kring 20 000 kr pr.stk var kroppane ikkje spesielt gira. Så resten av handleturen på living føregjekk i særs moderat tempo.

Mellom Åsane og Bergen ligg Lidl så gunstig plassert. På lidl har dei spanande billegmat frå sjølvaste Tyskland. Eg synst personleg at mat frå andre land er spanande - det vere seg billeg eller ikkje. ting kan tyde på at andre som handlar hos Lidl ikkje tykkjer det, då dei har markert nesten annakvart produkt med "norskprodusert". Kva i alle dagar er poenget med det? Er det så himla nøye kva land si jord potetene ein kjøper på Lidl kjem frå? Må suppene vere frå indre arna? Eg trudde at poenget med Lidl var at dei hadde tyske varer av typen billege, som dei skulle selge billeg i Noregs land og rike....jaja vi er vel nokre gode nissar med store skylappar her oppe i nord.

Om dei bomma litt på konseptet med maten, har dei i alle fall fått inn ein fulltreffar mtp storleiken på handlevognene. Ikkje har dei korger og vognene er store nok til å kunne romme mat for meg i eit år. Enkel som eg er, handla eg sjølvsagt over evne - ser jo så lite ut det som ligg i botnen av vogna.

Eg pakka glad og nøgd ut varene i heimen kl 17! Å handle på ikea tar tid!

mange slags rekordar

2007-01-15T11:04:00.000+01:00

Eg finn det ganske så artig at det alltid er veldig viktig å presisere storleik, lengde, djubde etc på ting og tang. Denne kategoriseringa fører til rekordar i hytt og pine. For tida held vi td på å sette nedbørsrekord på vestlandet. Den lokale rekorden fall for fleirfaldege dagar sidan - så no går vi for den najsonale - akuratt som om ein kan gjere noko frå eller til mtp denne rekorden. Regnar det så regnar det - kunne vi endra på nett det, hadde vi sikkert ikkje sett regn i Bergen frå no og minst eit år fram i tid. Eg trur ikkje folk hadde vorte lei seg av den grunn, sjølv om vi ikkje hadde sett nokon rekord.

"helledussen så kjekt, no har vi

snart ein ny rekord i lomma"

I sogn og fjordane finnst det og nokre rekordar; Noregs vestlegaste by, Noregs lengste fjord, Noregs og sikkert nord-Europa sitt djupaste vatn, den største breen i landet... ja eg kunne sikkert ramsa opp veldig mange fleire av denne slags rekordar frå sogn og fjordane. I følgje folk frå Rogaland, freister det fylket å legge seg inn som ein god nummer to i ulike samanhangar som til dømes Noregs andre største kjøpesenter. Hordaland finn ein og på lista over rekordinnehavar; Noreg sin nest største by, Noreg sin lengste/største frittfallande/hengande foss, snart nasjonal nedbørsrekord og ikkje minst: Noreg si største innlandsøy!

Når ein har Noreg si største innlandsøy lett tilgjengeleg fortener det verkeleg ein aldri så liten søndagstur. Eg og ingis pakka oss i bilen i går og hadde ei fin oppleving på vegen. Grunna årstida vi er inne i no, vart det litt dårleg med lys på turen, då vi ikkje kom oss avgarde før i fire-tida. Det vart til dømes noko vanskeleg å finne innkøyrsla til Ole Bull sitt hus og å lokalisere informasjonsskiltet for Valestrand. Utover litt feilkøyring og meirkøyring histen og pisten så hadde vi ein finfin tur. Skal bli spanande å ta turen i dagslys for å sjå korleis det eigentleg ser ut i Valestrand. Forøvrig så er Osterøy eit feiandes flott mål for ekspedisjonar. Dei har garverimuseum, lange tradisjonar for rosemåling og ei ferje som går til Breistein.

På vegen køyrde vi forbi til ei aldri så lita bilulykke. Å sjå ein bil ligge feil veg i grøfta fører til at 2 tankerekker går gjennom mitt hovud. 1 eg er kjempeglad for at det ikkje er eg som anten sit fast i eller kryp ut av ein slik bil og 2 kanskje eg skal roe tempoet litt. Takk og lov for at det har gått bra så langt i mi sjåførkarriere. (Bank i bordet og salt over skulderen)

Nye skot på stammen

2007-01-10T13:18:00.000+01:00

På hotell karamell tar vi oss av og til nokre turar ut på Plantasjen. Avgjerande for om vi tar turen er 2 ting. 1 at det er sal på grøne planter og 2 at blomane som allereie finnst i heimen har rotna på rot. At det stort sett kontinuerleg er sal på Plantasjen er bra, for blomane våre rotnar på rot kun kort tid etter at dei har kome seg i hus.

Med nytt år, kjem gjerne behovet for å fornye seg, og dermed fann vi ut at vi skulle fornye oss litt på blomefronten og. Litt greitt å ha noko anna enn fredsliljer i heimen. Skal seie vi fann nokre artige saker på førre handletur. Ein blome som heng, ein som er skikkeleg mjuk og god om ein stryk den i oppadgåande retning på undersida av blada, ei fredslilje - sjølvsagt, ein høg grøn sak, og ein ananasblome! Jepp, du las rett - vi har investert i ein aldri så liten blome som gjev oss ananas! Greitt nok at det kan ta litt tid før vi kan hauste og ete, men den pynter no fint opp der den står!

Sidan jul og nyttår ofte representerer død og fordervelse for våre søte små fiskar betyr januar fiskehandel. Lille Zelma har jo som tidlegare nemnt, forlate denne vera til fordel for dei evige osean og dermed vart det ein plass ledig i akvariet. Denne plassen vart tildelt Goliat. På måndag kunne to stolte bufeller trygt plassere han i sin nye heim. Dei to eksisterande små venene våre var ikkje ubetinga begeistra, og har faktisk ikkje enno synt noko form for interesse for sin nye ven. Men, som det stadig syner seg, integrering tar tid og skjer slett ikkje over natta så eg går ut frå at haruki murakami og boutrus boutrus-ghali blir vener med goliat i det lange løp.

januar er full av uvanlege dagar!

2007-01-09T14:04:00.000+01:00

I dag har kjære Ingis bursdag!

Skal prøve å vere snill og grei med deg heile dagen!

Grattis!

i dag er det i alle fall ikkje ein vanleg dag!

2007-01-06T12:08:00.000+01:00

i dag er det min dag!

"Å feire fødselsdag er sunt. Statistikken viser at de som feirer flest fødselsdager, også er de som lever lengst." larry lorenzoni

Ver velkomen til feiring av meg og ingis kl 20 på hotell karamell!

var året 2006 bratt?

2006-12-31T14:46:00.000+01:00

Ettersom eg surfar ein del, kjem eg over eit og anna på andre sine sider, som eg frekt og freidig stel. Følgande spørsmål er saksa og limt for harde livet, men svara er no mine!

Året 2006
1. Hva gjorde du i 2006 som du aldri har gjort før?
I 2006 var eg td i bryllaup til lillebror min, det har eg aldri gjort før. Går for så vidt ut frå at eg aldri gjer det igjen heller.
Eg gjekk birkebeinaren, har aldri gjort det før men er redd for at eg kjem til å gjenta nett den slitsame affæren.
2. Holdt du nyttårsforesettene dine. Og vil du lage nye?
Eg er ingen stor fan av nyttårsforsett og hadde ingen for 2006. For 2007 håper eg at eg oppnår "bonusar" - opplevingar som brenner seg fast som utprega positive og som gjerne kjem noko uventa. Eg hadde ein del av dei i 2006!
3. Ble noen som står deg nær mor eller far?
I år har det kome til to nye verdsborgarar i min omgangskrets. Frida Olette og likkjebanet til Åshild og Jo Even.
4. Døde noen som sto deg nær?
Nei, og takk og lov for nett det!
5. Hvilke land har du besøkt det siste året?
Haha, 2006 har vore eit dårleg reiseår, har besøkt england og autsland(et)!
6. Hva ønsker du deg neste år som du har savnet?
Ei utdanning og ein jobb! (god karakter og høg løn er ein føresetnad)
7. Hvilke datoer i 2006 vil du aldri glemme, og hvorfor?
hmmm har ikkje allverda til husk, og har no gløymt både datoar og grunngjeving
8. Hva er det største du har oppnådd i år?
Eg gjekk birkebeinaren på godt over ein arbeidsdag! Det var stort, sjølv om det gjekk seint.
9. Hva var din største nedtur?
At eg gjekk glipp av opp til fleire episodar av Sopranons
10. Har du vært syk eller skadet?
Har hatt skikkeleg vondt i viljen, har belastningskade i vondten og ein aldri så liten aktivitetsallergi
11. Hva var ditt beste kjøp?
Eg og gode kjøp passar like godt saman som fot i hanske eller hand i hose.
12. Hvem fortjener din hyllest for oppførselen sin?
kan vere på sin plass å hylle kofi annan. Han har gjort ein god jobb i FN og takkar no av.
13. Hvem sin oppførsel gjorde deg nedstemt/lei deg?
usa og george bush
14. Hva gikk mesteparten av pengene dine til?
Hus og seriøs store mengder mat
15. Hva gjorde deg veldig veldig veldig oppspilt og glad?
16. Hvilken sang [artist] vil alltid minne deg om 2006?
17. Sammenlignet med denne tiden i fjor, er du …
a. Gladere eller mer nedstemt?
b.Tynnere eller tykkere?
c. Rikere eller fattigere?
Eg er gladare, tynnare og rikare.
Herregud så deilig det var å skrive nett dette!
18. Hva skulle du ønske du gjorde enda mer av?
utforska nye ting, besøke fleire vener, reise på tur til andre land enn austlandet
19. Hva skulle du ønske du gjorde mindre av?
syte og klage
20. Hvordan vil du tilbringe julen?
Jula vart feira tradisjonen tru, heime hjå mor og far med resten av familien samla. Sur sang, men stø gang rundt juletreet etter ein særdeles nydeleg middag.
Har jobba mykje og sosialisert meg lite denne jula. Det må det gjerast noko med til neste år
21. Ble du forelsket i 2006?
Synd og skam, men vart ikkje det
22. Hvor mange one-night stands hadde du?
nei veit du kva, den slags skriv eg verkeleg ikkje her.
Det finnes da en grense.
23. Hva var ditt favorittprogram på TV?
Sopranos
24. Hater du noen nå som du ikke hatet på denne tiden i fjor?
Trur ikkje eg spring rundt å hatar folk, men eg mislikar kanskje elprice litt for ikkje å levere fryseboksen min.
25. Hvilken bok er den beste du har lest i år?
Extremely Loud and Incredibly Close
26. Hva var årets beste musikalske oppdagelse?
lily allen
27. Hva ønsket du deg – og fikk?
laks - fekk 5!!! og så fekk eg flugestang, så til sommaren skal eg stå i ei elv og kose meg med mygg og makk!
28. Hva ønsket du deg – og ikke fikk?
Kvit jul
29. Hva var årets beste film?
Casino Royale på underhaldningsfronten og "god grew tired of us" på dokumentarsida
30. Hva gjorde du på bursdagen din?
feira inn i dei seine nattetimar. Og det skal eg gjere i år og! Er ope hus på HOTELL KARAMELL på første laurdag i det nye året. Berre å ta turen om du er i nærleiken!
31. Hvilken enkeltting/-person har gjort året mye mer tilfredsstillende?
fryseboksen min
32. Hvordan vil du beskrive klesstilen din?
hettegensar og dongeri.
33. Hva har holdt deg i mental balanse?
kven seier at eg er mentalt balansert?
34. Hvilken kjendis likte du best?
uff, desse kjendisane. kan ikkje nett kome på nokon i farta.
35. Hva i politikken har opprørt deg mest?
det der jækla frp hysteriet.
36. Hvem savner du?
Venene mine som bur austafø!
37. Hvem var den beste nye personen som kom inn i livet ditt?
det er så mange bra folk der ute!
38. Fortell en viktig livsvisdom du har lært i år?
gooood tid, alt ordnar seg til slutt!
39. En sangtekst som oppsummerer året …
never ending story(paper)

Med denne oppsummeringa vil eg takke for 2006 og ønske 2007 velkomen. 2007 er bonusåret, så dette skal bli bra!

sorg og sakn

2006-12-30T18:28:00.000+01:00

Nett no tikka det inn melding om at lille søte zelma har forlete hotell karamell til fordel for dei evige osean.

Lukke på ferda!

god jul!

2006-12-30T18:16:00.000+01:00

No er eg seriøst på etterskot når det kjem til å sende julehelsing, men betre seint enn aldri er det vel noko som heiter.

Eg håper at alle har hatt ei finfin julefeiring, med alvorleg store mengder god mat og mykje godt selskap. Det har i alle fall eg!

Gratulere så mykje til Åshild og Jo Even som fekk ei lita jente i går kveld!

eg ser deg djupt inn i kvitauga

2006-12-15T10:24:00.000+01:00

og eg likar det eg ser

Minst ein gong i året må eg ha deg.
nett slik du er
med øyra på stilk og tenna i uorden

Eg likar deg, kjære!

Frå første gong har eg hatt lyst på meir,
meir av din smak!

3. søndag i advent er skjeltesøndag - så det er berre å hive innpå folkens!

Svart er både dagen og natta...

2006-12-13T11:28:00.000+01:00

Svart senker natten seg i stall og stuer.
Solen har gått sin vei. Skyggene truer.
Inn i vårt mørke hus stiger med tente lys.

"Mørket skal flykte snart fra jordens daler."
Slik hun et underfullt ord til oss taler.
Dagen skal atter ny stige av røde sky

I dag er det berre 8 dagar til sola snur!

Er ikkje det ein fin ting å tenke på?

Kva er det eigentleg som plagar folk?

2006-12-12T12:41:00.000+01:00

Kva som får to gutekvalpar til å dytte folk overende, true og stikke av med lommebok og telefon kan eg berre ikkje forstå. Ikkje at eg gidd å bruke særleg mykje energi på å freiste å forstå slike folk heller.

Om enkelte er så veldig interessert i andre sine eigedelar, kan dei ikkje berre spørre då? Kvar har det blitt av den gode gamle "Henda i veiret, penga eller livet"? Hadde eg fått det spørsmålet retta mot meg, hadde eg sporenstreks løfta henda, gjeve dei pengane og gått derifrå med visshet om at det var lurt å velge livet! Tjuvraddane skulle fått mobiltelefon og andre ting og dei måtte ha av interesse. Dei kom i det minste med eit forslag og eg hadde eit val for korleis eg ville agere på det. Eg trur ikkje at eg hadde blitt så veldig glad for å fått ei slik problemstilling i fanget, men så lenge ingen legg hand på meg og tvingar meg i kne, kan eg synse om at eg ville langt på veg føretrekke ein slik situasjon framom det andre har vorte utsett for i det siste.

Folk er galne og det ser ikkje ut som om det vil endre seg med det første.
og det er eigentleg ganske trist

saknar du denne?

2006-12-08T12:22:00.000+01:00

Denne vart liggande att på hotell karamell i går. Om du kjenner denne kan du ta kontakt og få den overlevert. Den er sølv med litt blått i midten og ganske dyr, ca 1000,-

Peparkakehus!

2006-12-07T15:55:00.001+01:00

Her på hotell karamell har vi førebudd jula i lang tid. Det gjekk ikkje lang tid frå julestjernene kom opp utanfor vindauge før det var tenning av julegran, opning av julegate, tenning av adventslys, julehandel på Ikea, julepynting av heimen, peparkakebaking og peparkakehusbygging og pynting stod på plakaten.

Neste år trur eg vi er klare til å levere eit aldri så lite bidrag til peparkakebyen på galleriet.

Det er slett ingen vanleg dag i dag!

2006-12-06T12:12:00.000+01:00

I dag har godaste line bursdag!

Gratulere så mykje med dagen!
Skulle gjerne ha vore med og feira deg i helga, men må nok vere i Bergen og halde fortet!

Kan i same slengen nytte høve til å gratulere deg med ny leilighet, og sambuarskap med ein knakandes kjekk kar!

kva skjer med overskriftene mine?

2006-12-05T12:22:00.000+01:00

Kvifor er mine overskrifter linkar til tomme sider? Alle andre har innhald på sidene sine, det vil eg og ha!

Skal tru om her er nokre smarte sjeler som kan hjelpe ein stakkar med dette problemet?

som takk for eventuell hjelp, vil det verte overført eventyrlege summar til vedkomande sin løningskonto avd himmelen!

kan du hjelpe meg med ein femmar til bussen?

2006-12-04T12:12:00.000+01:00

Espen (38) tener mellom 2000 og 2500 per dag, dvs i løpet av ei tre til fire timar lang arbeidsøkt per dag. Med litt, for meg avansert matte, kjem eg fram til at dersom Espen jobbar i 4 timar har ei timeløn på ca 625 dei dagane han tener 2500 og kr 500 dei dagane han berre tener 2000. I desember tener han det dobbelte av kva han gjer i januar. Om eg då tek utgangspunkt i den lågaste dagsinntekta, tener Espen 250 kr timen. Vidare i reknestykket juksar eg litt og legg inn ein del antakingar, som eg strengt tatt ikkje har 100% belegg for å gjere, då eg verken kjenner Espen, eller har sett dokumentasjon på inntekta hans i løpet av eit år. Uansett, eg lagar no eit lite reknestykke no når eg er så godt i gang. Det første talet representerer antal arbeidsdagar i løpet av nemde månad i 2006. Det andre talet representerer dagsinntekt basert på at desember er den månaden med høgst avkasting og januar den med lågast. Eg ser føre meg at talet vil justere seg i trå med varme og turistsesong, kulde og mørkre. Basert på desse antakingane sit eg att med følgande tal:
Januar: 22 x 1000 = 22 000 Februar: 20 x 1000 = 22 000
Mars: 23 x 1000 = 23 000 April: 17 x 1500 = 25 500
Mai: 20 x 1500 = 30 000 Juni: 21 x 1500 = 31 500
Juli: 21 x 1800 = 37 800 August: 23 x 1800 = 41 400
Sept.: 21 x 1500 = 31 500 Okt: 22 x 1500 = 33 000
Nov: 22 x 2000 = 44 000 Des: 19 x 2500 = 47 500
Sum 2006: 389 200

No kan det syne seg at eg har nytta litt feil tal her og der, men om eg reknar med ein feilmargin på opp til td 36%, kan ein altså rekne med at Espen i løpet av eit år har ei inntekt på alt frå 249 088 til 389 200 (Eg vil tru at Espen gjerne ligg i det øvre sjiktet). Med ein arbeidsinnsats på 4 timar per dag, ligg altså Espen ein stad mellom lønnstrinn 25 og 53. Mellom desse lønnstrinna finn ein veldig mange av lønnstakarane i Noreg, og veldig mange av dei jobbar atskilleg meir enn 4 timar om dagen for å karre til seg ei inntekt. Verdt å merke seg, i tillegg til den låge arbeidsinnsatsen, er at pengane går rett i lomma til Espen. Han slepp å tenke på skatt, tenestepensjon og evt fagforeiningskontigent. Heller ikkje vert han råka hardt av toppskatt og formuebeskatning. Den vegen andre si løning tar om staten, hoppar Espen glatt over. Skulle eg td vere så heldig å få ein jobb med lønnstrinn 40 ville eg sitje att med 195 840,- etter skatt, men før tenestepansjon og fagforeiningskontigent.

Eg vel å tru, at den einaste kontakta det er mellom Espen og staten når det kjem til finansielle transaskjonar, er at han får pengar inn på konto. Som sagt så spekulerer eg her – men noko seier meg at Espen mest sannsynleg får nokre kroner kvar månad frå staten, slik at han skal ha til livsopphald.

Espen disponerer altså alvorleg mykje pengar i løpet av eit år. Meir pengar enn eg kan rekne med å rå over, då eg er i den heldig situasjon at eg tar vegen om staten med løningsposen min, og slik delfinansierer Espen sine månadlege utbetalingar.

No trur kanskje du som les dette at eg vil inn på ein debatt om stat, sosialstønad, narkomane sine kår i noreg, den dårlege avkastinga høgare utdannig gjev i dette landet etc. Eg må nok skuffe deg der. Eg vil eigentleg berre kome med ei aldri så lita oppmoding:

”Neste gong du tiggarskinn spør om nokre kroner til bussen, og eg diverre må beklage og seie nei, ikkje våg deg å bli sur! Du er rett og slett meir velståande enn meg. Kanskje har du pådratt deg ein og anna vane som både er meir kostnadskrevjande og helesefarleg enn mine vanar er, men likefullt, eg har rekna – og tru du meg, kronene mine får du aldri!”

Lys i mørkre

2006-12-03T12:15:00.000+01:00

I går trossa eg, lillebroren og svigerinna regn og vind for å få med oss den tradisjonelle lysfesten til BKK. I det vi kom, gjekk nokre tenorar på scena og song "you raise me up" - ein song eg finn fullstendig latterleg klissete. Veit ikkje heilt kvifor eg har eit slikt forhold til songen, men det er noko med den som ikkje nett vekker dei same kjennslene hos meg som ein god del andre. Eg byrjar rett og slett å le litt av den songen. det er liksom ingen grenser for kor svulstig det går an å komponere og framføre ein låt. Det noko underlege med meg er at eg nokre minutt seinare let meg rive med og syng julesongar for full hals der eg står. Samanliknar ein nevnte låt med julesongar, er det ikkje rare skilnaden. Det er vel ikkje å ta for hardt i om eg seier at julesongar er noko svulstige dei og, td: "Gjennom de fagre riker på jorden går vi til paradis med sang"

Trass dette er det noko eige med julesongar. Eg vert ført tilbake til den gong då, då eg var lita. Treet vart pynta med heimelaga korger og gåvene under var mange og harde. Timane frå eg stod opp til middagen var unnagjort var nær uuthaldelege, disney var på tv, sølvgutane sang og sang og sang og sang jula inn. Ja det er tusenvis av slike moment som har brent seg fast. Opp gjennom åra har sjølve julafta endra seg litt – og det skal eg kome tilbake til i eit seinare innlegg, no vil eg fram til at noko som ikkje har endra seg trass alt, er gangen rundt juletreet. I min familie dreg vi juletreet fram på golvet, fyller opp med pakkar under det, og flokkar oss rundt og syng julesangar! Ingen pakkar vert opna før gang og sang rundt treet er unnagjort. Denne tradisjonen har eg med andre ord lært meg å sette pris på – for når vi var komne så langt, var det ikkje lenge før gåvene venta!

Utover å gaule på julesongar av hjartans lyst, fekk eg med meg eit fantastisk flott fyrverkeri. Og om eg nokon sinne får det til, skal eg jammen meg sjå om eg får lasta opp ein aldri så liten filmsnutt av den opplevinga.

Lukke kan kjøpast for pengar!

2006-11-30T00:09:00.000+01:00

Det skal verken mykje pengar eller innsats til for å kjøpe seg lukke ein onsdag ettermiddag. Bestill time, møt opp, legg deg ned, nyt, bli ein ny person, betal, gå. 390 for kjappe 30 minutt med massasje. Kanskje ikkje så veldig billeg, men du og du så lukkeleg eg vart. No er eg knytt opp frå nakke til rumpe - og kjenner at det ikkje vert så alt for lenge til neste gong eg blar opp nokre skarve hudrelappar og legg meg på benken.

jul i strandgata

2006-11-26T16:55:00.000+01:00

I dag vart det jul i strandgata! Med tanke på dei erfaringane eg gjorde meg då eg var austafø førre helg, så er det ikkje ein dag for tidleg at jula kjem til oss vestlendingane óg.

Ikkje berre vart det lyst og triveleg ute i gata, inne var det og mykje lys og særs mykje varme. Ingis kom attende frå det store utland - noko som sjølvsagt må feirast. Ho hadde rett nok tatt feiringa noko på forskot, men det tok ikkje lang tid før vi andre kom i stemning vi og. Ei flaske sjampanje, og vips så er vi i vigør!

Austafø

2006-11-20T15:42:00.000+01:00

Austafø er over fjella aust i lende. Der er alt veldig annleis enn det er vestafø. Vestafø er heime, her er alt kjent og trygt. Fjordane er lange og djupe, fjella høge og bratte, bygdene få og grisgrendte. Det er kjent og og det er trygt.

Medan ein i Bergen diskuterer ei eventuell bybane, kan ein austafø køyre både trikk og t-bane til auga vert trillandes runde og dett ut av skallen på ein. Der ein på vestlandet kan opphalde seg nær sagt kvar som helst til alle døgerets tider, må ein austafø passe seg. Ein veit aldri kvar farene trugar der aust.

Den fara som til slutt tok meg, var ei skikkeleg skummel austlandsforkjøling. Etter ein aldri så liten helgatur austafø, har eg lege strak ut i ei veke (no overdriv eg ein smule – men det ligg i vestlendingen sin natur). Kven hadde vel ant at det skulle få slike konsekvensar å forflytte lekamen øve fjella.

Eg hadde eit finfint opphald der aust. Eg og han storebror fann på aktivitetar som bowling ( eg slo han med ”alvorleg” mange poeng), dvdsjåing, restauranteting. Eg var nokre timar på sjølvstyr, og då gjekk eg på slottsfjellet. Ein skal ikkje kimse over kor vakkert der var!

Medan ein fyrst er austafø kjem ein ikkje utanom hovudstaden. Der bur opp til fleire av venene mine, og eg skal helse og seie at dei har nokre fine husvære, heile gjengen! Grete sin heim fungerte som eit 5 stjerners hotell! Ikkje berre var der rom med utsikt, det var i tillegg festlokale, musikk, godt selskap og ein fortreffeleg restaurant!

Og då eg har investert i kamera, lar eg bileta eg tok stå for resten av fortellinga om korleis det er der aust.

lukke og glede

2006-11-17T00:30:00.000+01:00

No er eg jublandes glad!

det vert raudt flytande sukker av rette slaget dette året óg!

julebrus vil vi ha!

2006-11-15T10:42:00.000+01:00

Dette oppropet vil eg oppmode deg om å støtte!

i går kjøpte eg meg digitalkamera - noko som heilt sikkert kjem til å prege bloggen frametter!

eg er lukkeleg - fattig - men lukkeleg eigar av nytt kamera!!!

avundsjuk

2006-11-13T17:55:00.000+01:00

eg er avundsjuk!

og eg er den einaste som kan gjere noko med det.

Ting ein plutseleg ser - lesesalen

2006-11-11T18:04:00.000+01:00

eit godt tilrettelagt toalett.....

ein liten lapp ved sida av spegelen.....

nokre ord på ein vegg....

Slutt

2006-11-10T14:34:00.000+01:00

Kan folk slutte å behandle andre mennesker som varer?

Kan folk slutte å oppføre seg som om jenter er ting, eigedom etc som tilhøyrer far, mann, bror?

Kan folk slutte å utsette andre enn seg sjølv for unødvendige liingar?

Slutt, berre SLUTT - ok?

ved mine fulle fem?

2006-11-09T14:52:00.000+01:00

Eg lurer på om eg var heilt ved mine fulle fem då eg la inn informasjon om meg sjølv og mine jobbønsker hjå adecco. Denne stillingsannonsa fekk eg tilsendt frå adecco i går:

Apoteker
Haemme asiakkaallemme Norjaan Etneen avattavaan apteekkiin ammattitaitoisia farmaseutteja. Työ alkaa mahdollisimman pian ja on vakinainen työ.
Toivomme hakijoiden olevan joustavia, asiakaspalveluhenkisiä, omaavan hyvät yhteistyö- ja kommunikointitaidot sekä pitävän asiakaspalvelusta. Puhut sujuvaa ruotsia.
Tarjoamme viihtyisän työympäristön, vaihtelevia työtehtäviä ja sopimuksen mukaisen palkan.
Rekisteröidy hakijaksi osoitteessa http://www.adecco.fi/Lisätietoja tehtävästä Marju Nykänen puh. 050-383 9856
Hordaland
11/8/2006 8:08:00 AM

1) eg snakkar veldig dårleg finsk, eller la meg vere ærleg - eg kan ikkje snakke finsk i det heile, utover å kunne telle til tre.
2) eg skriv og les finsk like dårleg som eg snakkar det.
3) eg er faktisk ikkje heilt sikker på om annonsa er på finsk, men eg meinar å ha sett nokre av desse orda på ei shampoflaske.
4) eg er utdanna samfunnsviter - litt usikker på kor langt den utdanninga vil ta meg innan apotekaryrket.

Trur eg ventar litt med å sende avgarde søknad på nett denne jobben.

det er slett ingen vanleg dag i dag!

2006-11-08T12:47:00.000+01:00

i dag har han lillebror bursdag!!!
Gratulere så mykje med dagen.
Gler meg til kaffi og kaker!

Kinoens dag

2006-11-05T00:23:00.000+01:00

Eg må huske å droppe festen kvelden før kinoens dag til neste år - bør i alle fall vurdere å la nattaspelet sigle sin eigen sjø utan meg

Det har vore nokre tøffe tak, men i dag har eg fått med meg Fritt Vilt, The Devil Wears Prada, Vitenskap Om Drømmer samt The Departed.
Dei to første er ikkje nett anbefalingsmateriale, men dei to siste er absolutt verdt både turen og billetten!

Å vekke oppsikt!

2006-11-02T13:31:00.000+01:00

Det er ikkje så mykje som skal til for å vekke oppsikt i Bergen i 2006. Det held lenge med:
1) ein bil
2) eit sett vinterdekk, jekk, muttrar og ein sånn ting som du skrur ut muttrane med
3) ei jente

Om desse tre punkta vert kombinert, kan du vere sikker på at du vekker oppsikt på Minde ein onsdag. Forbipasserande gav meir eller mindre tydeleg uttrykk for at dette er sjeldan kost.

"så godt å se at dere tar sakene i egne hender"
- det må jo gjerast, og i dag er siste frist, hehe.

"Tenk på alle de som ikke engang klarer å skifte egne dekk om de pungterer."
- slike folk bør ikkje køyre bil.

"Men vi pleier som rege å legge en kubbe eller noe under ene hjulet på bilen når vi skifter dekk - ja slik at den ikke triller vet du!"
- åja, gjer de det! hmm sikkert ikkje så dumt.

"Jeg tror du må plassere jekken litt annerledes. Du må jo passe på at du ikke ødelegger bilen under vet du!"
- ja det hadde ikkje vore noko særleg. Litt dyrt å byte dekk sjølv, om bilen hadde blitt øydelagt

"du må ta jekken nærmere deg"
- eg har funne ein bra plass for den her no!

"jekken må stå slik at den ikke sklir, vet du!"
- ja, det er jo greitt å unngå.

"her, her kan du sette jekken"
- TAKK, for hjelpa.

"Nå må du ikke heise bilen høyt opp i luften"
- nei, du kan vere sikker på at eg ikkje kjem til å heise bilen høgare enn eg må!

"se der ja, dette klarte du jo fint!"
- dette gjekk bra ja, har gjort det før nokre gonger!

"skal si at de dekkene dine synger på siste verset"
-ja, eg skal kjøpe nye til våren.

"du må ikke finne på å sette de på igjen til våren"
- nei, eg skal kjøpe nye til våren.

"de dekkene vil jo være livsfarlige å kjøre rundt med, du må ikke sette de på igjen til våren"
- nei!
Slik gjekk no samtala - eller monologen, for herr Bergensar i 70-åra var ikkje spesielt innstilt på verken å høyre eller ta inn over seg den delen av samtala eg stod for.

Er det verkeleg oppsiktisvekkande at ei jente byter dekk? Er trass alt noko av det minst avanserte ein kan gjere på ein bil. Løys, heis opp, skru ut, løft av, sett på, skru inn, senk ned, skru til! For all del, dette er ikkje eit feministisk rop om likestilling eller eit viktig innlegg i kjønnsdebatten - eg trudde berre at dette var så vanleg at folk ikkje brydde seg.

Er jo uansett like greitt å stikke innom ein verkstad å få det gjort - då slepp ein i alle fall å verte skiten under neglene.

mongstad i mitt hjarta

2006-10-29T22:34:00.000+01:00

Blodtrykk som ein konfirmant

2006-10-26T11:01:00.001+02:00

Var ord legen min brukte i dag då han skulle informere meg om det trykket. Greitt nok at legar har eit eige språk som den gemene hop ikkje forstår så mykje av, og ofte skriv så stygt at til og med eg slit litt med tydinga. Men, når ein først skal freiste å foklåre noko på folkeleg vis, kva med å nytte termer som lar seg tolke?

Blodtrykk som ein konfirmant. Er det spesielt bra? Er det litt uheldig på ha same trykket i kroppen ved fyllte 27 som då eg var 15? Eg er litt usikker på kva blodtrykk eg hadde i konfirmasjonstida, men eg huskar godt kva tenåra og pubertet innebar av trykk, kjennsler, oppturar og nedturar. Er det slik kroppen min framleis er? Om eg sit att lettare betutta no, så fekk eg i alle fall ei slags forklåring på kvifor eg framleis stadig vekk opplever at kviser sprenger seg fram i eit andlet som sikkert skulle vore utsett for antirynkebehandling for lenge sidan.

Legen kunne vidare informere meg og at lunger og hjarta fungerte som dei skulle. Noko som i og for seg sjølvsagt er veldig bra. Eg får berre krysse fingrane for at dei klarar å halde tritt med det pubertale blodtrykket mitt!

so gale kan da gå

2006-10-23T16:38:00.000+02:00

det var visst skikkeleg usportseleg å anbefale folk å stikke innom og stemme på Eva. Linken er tatt vekk for å unngå uheldige sanksjonar.....neida, men like greitt å forholde seg til "reglane"

Stem på Eva!!

2006-10-22T23:00:00.000+02:00

Eva sin blogg er nominert til årets blogg.

Sidan du er her på mi side har du tilgang til verdsveven og med det ligg alt til rette for at du kan stikke innom denne sida og gje stemma di til Evas blogg!

heia Eva!

BIFF is in town

2006-10-20T11:15:00.000+02:00

No er det filmfestival i Bergen by! Ved slike høver er det godt å framleis vere student og dermed ha mogleghet til å kunne gå på dei filmane ein vil.

Var på opningsfilmen med tilhøyrande opningsfest. Forholdsvis bra film som for ein nerd som meg faktisk synte seg å vere ganske morosam. Opningsfesten etterpå var heller av det noko spesielle slaget.

Korleis BIFF har klart å sende ut invitasjonar til opninga der dei ber folk om å kle seg pent, for å servere wraps så godt innpakka at du treng minst 2 hender og 5 minutt for å kome til maten, og så sende Turbostipend på scena - ja det overgår mi tankekraft. Om ein freistar å gjere noko med klasse er det faktisk litt viktig at det vert gjennomført. Jaja, no skal eg ikkje klage for mykje, bør vel heller vere glad for at eg fekk lov til å kome og uansett så er det filmane og ikkje festen som er det viktige framover no!

Her kjem ei aldri så lita oppramsing av kva filmar eg har sett til no, håper lista vert litt lenger etterkvart som dagane går!

Awesome, I Fuckin' Shot That! Babel The Bridge God Grew Tired of Us The Lost loudQUIETloud: A Film About The Pixies No Body is Perfect Parfymen: Historien om en morder Shortbus Taxidermia The Queen Uganda Rising Welcome to Dongmakgol Hollywoodland

---------------------------------------------------------

sånn blir ein forresten sjåandes ut når ein har vore litt for lenge på filmfestival - er glad eg klarte å begrense meg litt

eg gjekk ein tur på stien

2006-10-17T10:43:00.000+02:00

Teknologien er ikkje alltid like lett å hanskast med. I alle fall ikkje når ein har puls på langt over kvilenivå, tøyer ut og samstundes skal teste nye funksjonar på biletefronten på telefonen. Då vert bergen by morning sjåandes litt alternativt ut. Ein fin tur var det lell!

dette har skjedd:

2006-10-16T13:39:00.000+02:00

Farvel lille Presley vennen!

Namn og holdning - er der ein samanhang?

2006-10-13T09:58:00.000+02:00

I dag kom eg til å undrast over om det ikkje er gjennomført ei undersøking her i landet som syner ein viss samanhang mellom namn, utdanning og kriminalitet og litt sånn anna småplukk?

Jeanethe, Raymond, Kay og Bjørn Remi er alle veldig triste, og kan ikkje forstå kvifor noko så urettferdig må ramme dei så hardt. Hadde no berre desse utlendingane halde seg vekke.

Var kanskje ikkje heilt tilfeldig at eg kom på den undersøkinga då eg koste meg med frukost og bt.

Gro og Henning kan øydelegge for Per Magne sin draum. Ikkje grunna noko han har gjort sjølv, men noko som vart gjort før hans tid. Skulle Henning gjere som Gro vil, ser det mørkt ut for Jeanethe, Raymond, Kay og Bjørn Remi.

Eg er litt usikker på kor stor kampvilje som bur i folk, men når ein ser kor folk kjempar for å halde Børsen i dei lokalene den har vore i i dei siste 100 åra (mykje dei same gjestane og vil eg tru), skal det ikkje forundre meg om Jeanethe, Raymond, Kay og Bjørn Remi vil kjempe med nebb og klør.

Vi i Bergen får vel krysse fingrane framover, og håpe Per Magne klarar å gjere draumen sin levedyktig, slik at 4 kløveret på torget framleis har ein stad å vere. For i all min beskjedne arroganse og oppblåsthet vil eg foretrekke at enkelte held fram å gå ut der dei til no har halde seg - så slepp eg å måtte forhalde meg til dei, som dei forheld seg til utlendingar.

Musicen lenge leve!

Murphy

2006-10-05T11:53:00.001+02:00

"If there are two or more ways to do something, and one of those ways can result in a catastrophe, someone will do it" – eller, enklere "Alt som kan gå galt - går galt"

Denne lova vart oppdaga under forsøk der den menneskelige toleranse for akselerasjon under raketteksperimenter vart undersøkt. Eg ser føre meg at ei og anna sjel verkeleg fekk gjennomgå før lova vart lest opp og vedteke.

Ein del hendingar i livet mitt har vore under sterk påverknad av nett denne lova, og for å illustrere dette kjem her nokre dømer frå min røyndom

Eg kjøper meg stereoanlegg og det er i alle fall to moglege utfall:
1- det verkar heilt fint og vi lever lukkeleg saman i alle dagar frametter
2 - det verkar ikkje fint i det heile.
Stereoanlegget må reparerast og det er i alle fall to moglege utfall:
1- anlegget vert reparert, verkar heilt fint og vi lever lukkeleg saman i alle dagar frametter
2- anlegget vert reparert, verkar ikkje fint i det heile, må reparerast omatt og omattat.
Etter gud veit kor mange telefonar, månadar med venting og turar til Åsane, får eg meg til slutt eit nytt stereoanlegg av ein heilt anna produsent, og hittil har vi levd lukkeleg saman.

Eg får full skiutstyrspakke til jul, dette skal leverast på døra heime hjå far og mor. Det er i alle fall to moglege utfall:
1- alt vert levert slik det er bestillt
2- alt vert levert, bortsett frå at skorne kjem i feil storleik
Eg må ha skisko som passar min smukke fot og tar kontakt med butikken, og det er i alle%2
----------------------??????????????????????????????????----------------------
ja no held eg på å klikke og ønsker mr murphy velkomen tilbake i mitt liv. Har nett skrive eit veldig langt innlegg om kor heldig eg har byrja å kjenne meg, til trass for Murphy og den dumme dumme lova hans har prega store delar av mine handlingar dei siste åra. Plutseleg er over 2/3 av det eg har skrive bortevekk! Flaksen ja, skikkeleg, spesielt...no er eg berre sur og grinete, og skal for evig tid huske å lagre undervegs.

No skal denne halvferdige posten få ligge ute på nettet og irritere meg kvar gong eg ser den, berre for å minne meg sjølv på at ein svale gjer ingen sommar. Eit par episodar der eg ikkje har mykje meirarbeid, ekstrautgifter og tonnevis av frustrasjon, gjer meg tydlegvis ikkje spesielt heldig og i alle fall ikkje kvitt lova hans Murphy.

Syng med oss

2006-10-03T11:32:00.000+02:00

Kva er vel ein måndag utan Singstar? Fram til i går var svaret på det spørsmålet: ein heilt vanleg måndag. Etter 02.10.06 vil svaret vere: ikkje heilt det same. Vi kjenenr vel alle til reglane som er knytt til dei ulike vekedagane. Tirsdag er pannekakedag, torsdag er komledag, laurdag et ein graut og måndag er heretter kjent som singstardag!! Ved slike tilstellingar som vi hadde i går, er det veldig tøfft å ha eit rimleg stileg heimesnekrakinoanlegg! Singstar på stort lerret og volum over annlegget og ei heftig discokule lysande i bakgrunnen - det er jentene sine som har det!

No skal ikkje eg skryte på meg å vere frampå med tanke på synging. Eg syng i dusjen, nynnar i ny og ne, tek ansvar ved allsang i bryllup og grevferder (ved slike høver skjuler eg meg bak "syng med den stemma du har" og satsar på at folk rundt meg ikkje vert alt for skremde), men der stoppar det. Eg har prøvd singstar ein gong. Den gongen fekk eg færre poeng i løpet av ein heil låt, enn det dei fleste av gårsdagens singstars fekk i løpet av første strofa - like greitt å sitte i sofaen og utgjere klappekomité.

Eg får beklage for kvaliteten på bileta, er tatt med mobil i eit heller dunkelt lokale.

Er det ein vanleg dag?

2006-09-27T16:09:00.000+02:00

Er det ein vanleg dag?
nei det er ingen vanleg dag,
for det er storebror sin fødselsdag!
Hurra, hurra, hurra

Gratulere med dagen, vil eg ønske min kjære kjære storebror! I dag vert han heile 32 år! Skulle gjerne vore der og feira med Deg! Då det er litt vanskeleg, skal eg heller love å ta ein aldri så liten skål for deg utover kvelden!

Ei helg forbi....

2006-09-25T12:13:00.000+02:00

Så var det måndag att - og godt er jammen det;) hehe sjølvsat ikkje. Måndagar er generelt ikkje så tøffe. Fredagar derimot - dei kan eg like, og laurdagar, og søndagar.....

Denne helga har forsvunne som ein vind. Fredag var eg bandansvarleg for Snook - ikkje den mest krevande jobben - tok berre litt tid. Er forøvrig litt artig å vere tilstades på slike arrangement og stå på sidelina og smårle av fulle 18 1/2 åringar som er litt for fulle til å koordinere armar og bein. Utan å overdrive kan eg vel slå fast at gjennomsnittsalderen var ca 18,5.....dei er no søte er dei!

På laurdag kom mor og far til byen - noko som seg hør og bør resulterer i handling, eting, kultur og ein liten avec ut på kvelden med påfølgande laang og god frukost, avslapping, spasering, kultur, nydeleg middag og ein aldeles utmerka dessert og så: avreise.

Denne helgas val av kulturelle aktivitetar var vi ikkje sånn himla heldige med. Kinoen vi såg på laurdagskvelden var sikkert god på sin måte, men ikkje spesielt verken underhaldande, morosam, innhaldsrik etc.... vi gjekk oss rett og slett på ein skikkeleg smell.

Søndag spaserte vi over nygårdshøgda og tok turen innom bergen tekniske museum. Der hadde dei bruktmarknad denne dagen - det gjorde ho mor glad! Den dama er rå på pruting og endar som regel opp med å betle ein slikk og ingenting for skjulte skattar. Men det at ho mor, og ein del av oss andre storkosa oss, fekk ikkje han lillebror til å bli så veldig begeistra....han holdt rett og slett på å gå ut av sitt gode skinn.

Eg kan til ei viss grad forstå hans frustrasjon. Bergen Tekniske Museum - eit slikt namn set visse krav, vil eg seie. Dei krava har dei ikkje møtt på det tekniske museumet i bergen. Herreminhatt for eit lite og "rart" utval dei hadde av gamle ting. Nokre gamle bilar, bussar, trikkar, motorar, trykkerimaskiner og gassomnar i tillegg til 1 million modellbilar og fly i plast!! Kva er det for eit innhald på eit teknisk museum då? Skal vere så ærleg at eg stiller meg bak han lillebror sin frustrasjon: museet var lite og dårleg! (men eg likar loppis, så eg kom ikkje fullt så uheldig ut frustrasjonsmessig som han).

No skal det seiast til BTM sitt forsvar at dei holdt på å pusse opp - eg kryssar fingrane for at dei er i gang med ei totalrenovering og kjem betrakteleg mykje sterkare tilbake!

Som ein siste kommentar til helga, må eg seie at eg sjeldan har vore så glad for å ha kjøpt meg noko så keisamt og vakse som ein fryseboks. Keisamt og vakse....men like fullt, når mor og far kjem stigande inn i heimen med hjortekjøt og laks nok til å brødfø opp til fleire landsbyar i afrika over ein lengre periode, gler eit studenthjarta seg! takk for maten!!!!!!!

Så er eg i gang igjen med nytt prosjekt

2006-09-21T13:52:00.000+02:00

Etter å ha høyrt på maset til godaste Eva ei stund no, om kor fantastisk blogspot er, fann eg ut at eg nesten måtte prøve ut saken. Laga meg ein konto for gud veit kor lenge sida, men både brukarnamn (som heilt sikkert kanskje muligens var penebene) og passord har svunne hen og blitt vekke frå mi erindring. Dermed var det duka for å kreere eit nytt brukarnamn, og original som eg er fall valet på.....namnet mitt.....tok faktisk lang tid å pønske det ut og!

jaja, dette er vel meir ei lita prøveposting for å sjå korleis bloggen verkar, så eg dreg ikkje denne posten noko meir ut.

Lukke til med lesinga til deg som er innom sida - og lukke til med oppdateringa til meg!